SAYAW SA ALON: THE PEOPLE AND THE DANCE TRADITION OF SULU ARCHIPELAGO

SAYAW SA ALON: THE PEOPLE AND THE DANCE TRADITION OF SULU ARCHIPELAGO is a Dance Workshop and Film showing with remaining dates on

February 19 (5-7pm Anthro Museum) Dance workshop on pangalay (Alunalun Dance Circle)

February 26 (2:30pm PH 207) Film Showing “Ang Pagbabalik sa Tawi-tawi”

This will be at the Anthro Museum in AS or Palma Hall in UP Diliman. ADMISSION is FREE.

For inquiries, please contact 4261454 or 9818500 loc. 2446 and look for Belle.

Halina't magsayaw na tayong muli!

Benfit concert for David Sicam at Handuraw

This is one gig closest to our hearts. Takits!

Debid Sicam

Ika tatlumpo't lima...

" Nasaan na kaya ang bangkay?"
Paghahanap ng anak sa ama.
" 'tol, hindi ako maka-iyak, hinahanap ko ang pagluha."
" Tara na lang, sa ami'y manood ka!"

Halos labindalawang kanta at sa mga pagitan,
pinuno ka ng payo, pangarap at huntahan.
Alak, sigarilyo, french fries o kropek in between
Balot na sa usok, lulon na sa mga awitin.

Isang gabi ng paghahanap.
Nang lumaon, gabi na ng halakhak.
Nagkubli , animo'y maluwalhati't maluwag na
Tumatakas ba tayo sa tunay na paksa o nagbubuo na lang ng bagong pag-asa?

Samahan mo na lang ng mga planong paglalakbay,
mga pag-akyat kasama nang mga anak at gabay.
Mga raket na di pa nila nagawa, kaiba, dapat may iiwang tatak
Hindi gaya ng mga naunang pinagkakitaan lang sa mga ordinaryong latak!

At sa tuwing may bagong proposal,
hanggang sa maapprove na ito o biglaan
Maaasahang lilipad, sisipot, tutugtog yan
Mag-isa man sya, may kasama o grupo ng maramihan.

Kaya nang marinig na namin ang balita
Hindi kami makapaniwala, natulala!
Aabot sa anim hanggang walo sa katropa ay nakasama
Mabigat, naunsyami, hindi makapagsalita.

Buntong hininga ....

Bumalik nga sa gulong ng ika-tatlumpo't lima natin
Life well lived , carpe diem!
Ngunit ngayo'y alam ko nang walang tutulo pagka't iba pala ang ibig sabihin
Ang pagluha ay di lang pag-iyak bagkus paghinga ng malalim....

Malamang sa paglipas ng taon, babalik rin....

" Tita, nasaan na kaya si Dada?"
Paghahanap ng mga anak sa ama.
" Agung, Amian...hinga lang, hinga."
"Tara! Akyat, langoy, takbo, lakbay, tugtog tayo at magpinta"

Takits, Sicam.

Tado

Di ko ugaling sumali sa pagpopost pag mga throwback. Pero this time, allow me to because this was during his '03 b-day. And we've been PULP-ed!

Takits bukas, Tads! as we silently sit at the back to listen to the tribute program for tomorrow.

Padayon...

Debid

" Huy , punta ka na sa Handuraw! May tugtog kami. Kunin mo na itong Malong. O may buyer ka? Kunin mo na itong itim. Wala naman na akong magiging anak na babae. Sa 'yo na yun para dalawa na sila at may pang sayaw ka na ulit." Yan ang kanyang huling paanyaya , ilang araw bago siyang tuluyang nawala.

Nung narinig ko ang balita, a friend gave a shamanistic ritual for the rest of the passengers of that bus. Nasambit ko na " There's something in that bus. There's something more than the fact na parang dalawa nga kayo nila Tads na puro premonition before that trip. ( At pati pala pag upload ko ng wall cover sa FB noong Feb 5th.)

Ngayon alam ko na what it was- that bus was packed with brave fatalistic souls who have lived their lives to the fullest!

Tunay na masasabi ko ngang, hanggang sa dulo (at maaaring hanggang sa kasalukuyang laman ng mga balita) di nasayang ang trip trip niyo ni Tads. Binuksan niyong muli ang isyu sa National Road Safety. Nariyan na ang pagbibilang kung saan-saan nga ba yang 40 mountains. Ngayon, papa ink este, hand -tap tattoo na sila kay Apo Whang Od, oldest mambabatok .

Inaalam na nila ano nga ba meron sa selebrasyon sa Norte kung may "Pinikpikan ". May gagaya na rin sa mas makaPinoy na paraan ng birthday celebration para anak. Nagising na rin sa debate ng mechanical failure vs. human error. Andami niyong iniwang punto. Natauhan na ang karamihan! Namulat na sa Sining at kultura! Nangarap na ang ilan ng mas ligtas na paglalakbay!

Bukas, kapatid , bukas. Bukas pagkatapos kay Tads dyan naman ako sa Aguinaldo. Bukas ko na pipiliting makita ka. Bukas ako makikibalita tungkol sa operasyon ni Abby. Bukas sana mayakap ko rin sina Tita. At sa maraming bukas ay maalagaan man lang kahit saglit ang mga chikiting gaya ng proxy kong pakikipaglaro't pagbantay sa kanila tuwing may gig.

At sa tunay na bukas, kitakits tayong muli - mapayapa, maparaan, jamming at pintigan mula nang kami nila Des ay dalaga at kayo nama'y mga binata pa. Hanggang heto at tayo'y mga magulang na. (At naniniwala akong mga magulang na patuloy na nagmamahal , maiba man pisikal na sitwasyon, mapalayo man sa ating mga anak. )

Bukas , Debid, bukas. Kahit mabigat pa. Huntahan tayong muli, kaibigan.

Pati sa dulong bukas.

Takits!